Eksportet drejt Ukrainës njohën një rritje me më shumë se 2.5 herë gjatë periudhës janar-korrik të këtij viti krahasuar me të njëjtën periudhë të vitit 2019.

Sipas të dhënave të publikuara nga Instituti i Statistikave (INSTAT) gjatë 7 mujorit të vitit 2020, eksportet drejt Ukrainës arritën në 289 milionë lekë nga 111 milionë lekë që ishin në 2019-n.

Rritje për periudhën 7 mujore shënuan edhe importet nga Ukraina. Referuar të dhënave gjatë periudhës janar-korrik 2020 u importuan 2.5 miliardë lekë mallra nga 1.7 miliardë lekë që u importuan në 2019-n.

Në 2017-n Ukraina i hapi “dritën jeshile” importit të të gjitha produkteve shqiptare me origjinë shtazore, si mish, qumësht dhe nënproduktet e tyre.
Ukraina me 42 milionë banorë është një treg shumë i madh konsumator. ATA