Kolana e botimeve “Thesaurus” e Qendrës së Studimeve dhe Publikimeve për Arbëreshët (QSPA) hapet me librin “Vepra historiko – filologjike dhe publicistike të De Radës”, e kuruar nga Profesor Jup Kastrati, me 905 faqe.
Lexo edhe- Kolana “Thesaurus”/ Botohen katër librat e parë të QSPA
Ky libër është një përmbledhje e shkrimeve me karakter filologjik dhe historik të Jeronim De Radës, të shkruara në italisht në organe të ndryshme të kohës, të sjella në shqip nga studiuesi Kastrati, i cili me akribi të thellë shkencore e ka pajisur veprën me një bibliografi të pasur të De Radës dhe mbi De Radën.
Vepra plotësuar edhe me dokumente autentike të Kastratit që vërtetojnë zanafillat e punës së tij rreth 60-vjeçare mbi këtë figurë emblemë të kulturës arbëreshe. Kjo vepër, gjithashtu bën pjesë në nënkolanën “In memoriam” të autorëve që nuk janë më në jetë, punën e të cilëve do e risjellë për publikun QSPA gjatë viteve.
Lexo edhe- QSPA sjell monografinë për veshjet e arbëreshëve të dr. Silvana Nini
Kolana “Thesaurus” është një projekt i QSPA-së, i cili mëton të realizojë ruajtjen e trashëgimisë së universit arbëresh të shkruar ndër shekuj.
Librin e plotë mund ta shfletoni këtu: http://qspa.gov.al/botime/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
