Ministrja për Europën dhe Punët e Jashtme Olta Xhaçka bën të ditur se marrëveshja me Italinë për njohjen e ndërsjellë të patentave është botuar tashmë në Fletoren Zyrtare dhe pritet ratifikimi nga pala italiane për të hyrë sa më shpejt në zbatim.

Lexo edhe- Nënshkruhet marrëveshja për njohjen e patentave me Italinë

“Mirëmëngjes me këtë lajm të mirë, për të gjithë bashkëatdhetarët tanë që jetojnë e punojnë në Itali, të cilët këto ditë më kanë shkruar për fazën e marrëveshjes për njohjen e ndërsjelltë të lejeve të drejtimit.
Marrëveshja u botua në Fletoren Zyrtare, tani pritet ratifikimi nga autoritetet italiane, për të nisur shumë shpejt zbatimin”, shkruan ministrja në rrjetet sociale.

Marrëveshja u nënshkrua mes ministres Xhaçka dhe ambasadorit italian në Shqipëri Fabrizio Buçi më 18 mars, disa ditë pas takimit të saj me homologun Di Maio në Romë.

Lexo edhe- Marrëveshja e patentave Shqipëri-Itali, zbardhen pikat dhe modalitetet

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.