Më 17 mars u nënshkrua marrëveshja dypalëshe mes Italisë dhe Shqipërisë e cila përcakton rastet kur patenta e lëshuar nga një vend mund të konvertohet, duke kapërcyer kështu nevojën për të marrë bërë një provim të ri për të marrë lejen italiane të drejtimit.

Marrëveshja pritej që nga viti 2019, që ishte data e skadimit të marrëveshjes së vjetër mes vendeve, por që nuk u rinovua.

Marrëveshja e re në thelb nuk duket shumë e ndryshme në pikat më të rëndësishme dhe do të ketë një kohëzgjatje prej 5 vjetësh, duke skaduar kështu në mars të 2026.

Albania News ka parë marrëveshjen e nënshkruar, e cila konfirmon mundësinë që shtetasit shqiptarë që nuk janë rezident në Itali të mund të ngasin mjetin e tyre me patentë shqiptare për një vit nga momenti i marrjes së statusit të rezidentit, dhe mundësinë e kërkimit të konvertimit brenda tre viteve të ardhshme.

Pra, kërkesa për konvertim e cila gjithmonë duhet të kërkohet nga zyra lokale e Motorizimit, duhet të bëhet brenda katër viteve nga koha që jeni rezident.

Pa dyshim, nuk mund të kërkohet konvertimin e patentës shqiptare për sa kohë je rezident në Itali. Kjo parashikohet shprehimisht dhe përjashtohet nga neni 5 i marrëveshjes.

Në fund të fundit, mos nxitoni të kërkoni konvertimin pasi marrëveshja nuk është ende në fuqi dhe ende nuk ka kohë të caktuar lidhur me këtë. Marrëveshja, në fakt, duhet të miratohet nga organet përkatëse parlamentare dhe më pas të publikohet në Gazetën Zyrtare Italiane dhe në Fletoren Zyrtare Shqiptare. / AlbaniaNews 

Nga Darien Levani

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.