Shkrimtarja shqiptare me banim në Itali, Jorida Dervishi prezanton librin e saj  “La mia storia è la tua storia” (Historia ime, është historia jote) më 15 nëntor. Promovimi do të bëhet në një event që do të jetë online për shkak të masave të marra ndaj pandemisë COVID-19.

Jorida Dervishi është një shkrimtare e re shqiptare e cila gjithashtu është pedagoge në Universitetin e Milanos, pjesë e qendrave të kulturës ku zhvillohen kurse të gjuhës italiane për të huaj.

Libri është një përmbledhje e eksperienca të jetuara në Universitetin e Milanos, ku në  kontakt me emigrantë nga vende të ndryshme u njoh me historitë e tyre të emigracionit të cilat i pasqyroi në këtë libër.

Libri “La mia storia è la tua storia” është i ndarë në tre pjesë («Essere migrante», «Storie migranti», «Reti migratorie» – (“Të jesh migrant”, “Historitë e migrantëve”, “Rrjetet e migrimit”).