Një nga emrat më aktiv në muzikën korale në Kosovë, kompozitori dhe dirigjenti Memli Kelmendi ka një opus të pasur sa i përket kompozimeve të veprave, shumë prej tyre janë luajtur në vende të ndryshme të botës, e të tjera po presin që shumë shpejt të dëgjohen në skena të mëdha.
Vepra “Dies Lunae” për piano, e përzgjedhur në konkursin “7 Notes in 7 Days at 7pm” do të interpretohet të hënën si premierë botërore nga pianistja e njohur Maria Marchant (Award-winning concert pianist). Vepra do të interpretohet në “Blüthner Piano Centre”, në Londër më 17 Gusht në ora 19:00.
Maria Marchant është pianiste e vlerësuar lnga BBC, A BBC Music Magazine Rising Star, ‘In Tune’ and ‘Record Review’, WMNR Radio, Classic FM dhe kritikë të shumtë të muzikës si; Roderick Williams, OBE, Graham Rickson, Arts Desk, Nick Barnard, Music Web-International etj.
Maria Marchant ka interpretuar në vendet më të njohura të vendit dhe jashtë saj ku ka fituar shumë konkurse për piano. Ajo gjithashtu fitoi Medaljen e Artë dhe Cmimin e Parë në Konkurrencën Ndërkombëtare Hindemith, Berlin.
Pikërisht kjo pianiste, tashmë do të luaj një ndër veprat e kompozitorit shqiptar, i cili teksa ka ndarë lajmin me ndjekësit e tij në Facebook, është shprehur tejet i lumtur për këtë fakt.
