Poetja dhe shkrimtarja Irma Kurti nderohet me titullin “Akademike dhe Presidente Nderi” e Enciklopedisë Poetike Wikipoesia, krijuar në Itali në mars tw 2019 me rastin e Ditës Botërore të Poesisë. Në Presidencën e Nderit pranohen deri në dhjetë personalitete në fushën e poezisë. Wikipoesia përshkruhet nga media e shkruar si “Wikipedia e poezisë”.
Irma Kurti njihet nga publiku i gjerë si krijuese e talentuar e teksteve të këngëve. Është pjesëmarrëse në anketa, festivale kombëtare e koncerte pranvere përpara dhe pas viteve ‘90-të. Shumë prej këngëve me tekstet e saj janë nderuar me çmime dhe poezitë e tyre kanë mbetur ende tek dashamirësit e muzikës së lehtë. Ka shkruar rreth njëqind tekste këngësh. Plot lirika të suksesshme poetja i shkroi që në bankat e Universitetit.
Krijimet e saj në poezi e prozë bëjnë pjesë në shumë antologji në Itali: “Il Federiciano” publikim i Shtëpisë Botuese Aletti Editore 2010, “Diffusione Autori” 2011 i GDS Edizioni, “Lingua Madre – Racconti di donne straniere in Italia 2012/2013”, “Enciklopedia Universale e Autorëve Italianë”- 2013/2014/2015/2016, Premio Napoli Cultural Classic 2010/2011/2013/2016, Premio Prato Città Aperta 2016, “Adriatico. Emozioni tra parole d’onde e sentimenti”, – projekt humanitar i Shoqatës Kulturore Euterpe, “Il corpo, l’eros” i botuesit Giuliano Ladolfi së bashku me poetesha të tjera italiane e botërore, “365 pagine da scrivere- Agenda 2018”, “Unione Mondiale dei Poeti 2018 – World Uinion of Poets” botim i Shtëpisë Botuese Kimerik etj.
