Greqia ka shënuar edhe vīktimën e 195-të nga COVID-19 gjatë pandemisë dhe ai është një shqiptar. Mediat greke raportojnë se 68-vjeçari shqiptar ishte në terapi intensive në spitalin e Rios në Patra ka ndërruar jetë ditën e djeshme.

Ndërkohë gjatë 24 orëve të fundit në Greqi janë shënuar vetëm 11 raste të reja me Covid-19 dhe numri në total i tyre ka shkuar në 4,012. Kujtojmë që nga fillimi i pandemisë janë regjistruar 195 viktima.

Deri më tani nuk ka ndonjë statistikë se sa shqiptarë janë të prekur apo sa kanë ndërruar jetë nga Koronavirusi në vendin fqinj.

Sa u përket statistikave në Shqipëri deri më sot janë:

COVID-19 – Statistika (20 Korrik 2020)

Testime totale        35705

Raste pozitive           4171

Raste të shëruara     2352

Raste Aktive         1706

Humbje jete         113 (Qarku Tiranë 58, Shkodër 19, Durrës 17, Fier 5, Elbasan 5, Vlorë 3, Kukës 2, Lezhë 1, Berat 1, Dibër 1, Korçë 1)

Shpërndarja gjeografike e rasteve aktive sipas qarqeve:

Tiranë   824

Durrës 210

Shkodër  199

Vlorë 101

Lezhë 87

Korçë 62

Kukës 50

Elbasan 48

Fier  42

Berat  38

Dibër 26

Gjirokastër  19

Në të gjithë botën sipas worldmeters janë prekur 14,866,394 persona, kanë ndërruar jetë 613,542 dhe janë shëruar 8,923,956.