Pajtim Statovci është një nga autorët e njohur shqiptarë në Finlandë. Së fundmi, vepra letrare e tij “Crossing” është vlerësuar nga kritika ndërkombëtare. Libri është kandiduar për dy çmime letrare ndërkombëtare: “Premio Salerno Libro d’Europa” në Itali dhe për “Oxford-Weidenfeld Translation Prize” në Angli.
Lajmin e ka bërë të ditur vetë autori nëpërmjet një statusi në rrjete sociale.
“Kam lajme të reja! Jam i entuziazmuar të njoftoj që “CROSSING” propozohet për dy çmime të ndryshme letrare. Në Itali, libri është një nga tre finalistët për Premio Salerno Libro d’Europa, dhe në Mbretërinë e Bashkuar, ai është në listën e ngushtë për Oxford-Ëeidenfeld Translation Prize. Falënderime për përkthyesit e mi, Nicola Rainò dhe David Hackston për prezantimin e këtij libri”, shkruan ai.
