Ditën e djeshme është zhvilluar takimi i parë virtual mes enteve të biznesit shqiptar dhe bullgar.

Ky takim synon të riforcojë kontaktet dhe të ndihmojë në rimëkëmbjen ekonomike drejt një të ardhme të qëndrueshme.

Takimi mes u mbajt me pjesëmarrjen e Dhomës Bullgare të Tregtisë dhe Industrisë, Unionit Shqiptar të Dhomave të Tregtisë dhe Industrisë, Agjencisë Bullgare të Investimeve, Agjencisë Shqiptare të Zhvillimit të Investimeve, Agjencisë Bullgare të Promovimit të  Sipërmarrjeve të Vogla dhe të Mesme dhe One Communication.

“Në këto kohë sfiduese, bashkëpunimi për të rindërtuar dhe rimëkëmbur është i domosdoshëm dhe dy vendet tona duhet të përdorin potencialin e pashfrytëzuar për rimëkëmbje më të shpejtë dhe më të mirë.

Klima liberale e biznesit dhe reforma e investimeve, kostot konkurruese të punës, popullsia e re dhe e arsimuar, stimujt konkurrues dhe sistemi i taksave, vendndodhja e përshtatshme gjeografike, potenciali i fortë rritës, hyrja e lirë në tregje të mëdha dhe stabiliteti makroekonomik janë disa nga arsyet pse duhet të investoni në Shqipëri”, shkruhet në njoftimin e Ambasadës Shqiptare në Sofje.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.