Padyshim se Ansambli “Arbëresha” nga Sirnachu në Zvicër, duke bërë një rrugëtim 18 vjeçar, jo vetëm që ka arritur të rekrutojë me dhjetëra artistë të moshave të ndryshme në këngë e në valle, por edhe që të përjetojë një rritje të përhershme si në cilësi e sasi, por edhe të krijojw një bashkëpunim të ngushtë jo vetëm me simotrat e saj në shtetin helvetik por edhe me grupe artistike arbëreshe nga Kalabria.
Nga Rexhep Rifati
Për rrugëtimin e Ansamblit të këngëve dhe valleve “Arbëresha” me seli në Sirnach të kantonit të Turgaut, i cili u formua më 12. nëntor 2003, si Grupi folklorik “Arbëresha” me mbështetjen e “Misionit Katolik Shqiptar” në Sirnach, në saje tw ndihmës që dha misionari, Mr. Don Marjan Marku, shkëputa një fragment nga libri im “Shqiptarët në Zvicër- në 1001 pamje”, nga një deklaratë e marrë 9 vjet më parë nga kryetari i këtij grupi, Nua Uka: Parësore ruajtje e kulturës dhe identitetit kombëtar.
Grupi folklorik “Arbëresha” u formua me qëllime shumë të mira, që edhe pse jemi larg vendit tonë, larg qenies sonë, megjithatë ta ruajmë e të kultivojmë kulturën, gjuhen dhe vlerat tona të përbashkëta, në mënyrë që fëmijët tanë te jenë sa mw afër kulturës tonë, mentalitetit dhe tipareve tona, në fund të fundit që janë vetvetja e jonë dhe me atë rast potencoi se : “Hapat e parë te valles shqipe i mësuam nga koreografi Agron Bajrami, ndaj edhe e falënderoj nga zemra për punën e tij të çmuar”. Përndryshe, grupin tonë e përbëjnë gjithsej 38 valltarë, të cilët ndahemi në dy grupe: grupi fëmijëve me 16 valltarë dhe ai i të rriturve me 22 valltarë.
“Karakteristike është se “Arbëresha”, na kujton lidhje shekullore të shqiptarëve edhe më atan Adriatikut , duke hap zakonisht programin e saj me këngën arbëreshe “Si të lash e më s`të pashë”, që me një mënyrë është bërë si himen i këtij ansambli”, Përndryshe, po sipas, Lulzim Saliqunit, ansambli “Arbëresha”, numëron rreth 70 anëtarë, përfshi këtu grupet e valleve të fëmijëve e të rriturve, të këngëve, të instrumentistëve si dhe atë të aktrimit, çka e bëjnë këtë grup artistik edhe më të kompletuar”, shprehej Lulëzi Saliqani.
Një ansambël i pajisur mirë edhe me kostume e instrumente muzikore
Ansambli po ashtu ka edhe ambientete tij për ushtrime të rregullta, si dhe është i pajisur mirë me instrumente e kostume kombëtare. Ansambli merr pjesë aktive në mjaft manifestime që organizohen në kanton e rrethinë, por edhe më gjerë në Zvicër dhe jashtë saj dhe kudo që ka shkuar ka fituar simpatinë e publikut, qoftë shqiptar apo edhe i huaj.
Do theksuar se falë një pune të përqendruar si në planin organizativ , ashtu edhe artistik “Arbëresha” sot radhitet në mesin e grupeve më aktive e më cilësore por edhe më kolegjiale në mesin e shoqërive, falë edhe një komuniteti që nuk kursen as mjete e as përkrahje morale për që ta mbështet këtë shoqëri, ku edhe kanë fëmijët e tyre të angazhuar në masë të madhe.
Që në fillim, si edhe disa vite më parë manifestimet fillojnë me një minutë heshtje në nderim të rënëve për liri, por edhe ne nderim të figurës së ish- kryetarit të ansamblit, Lulzim Saliqani.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
