Autoritetet turke kanë njoftuar se të gjithë pasagjerët që udhëtojnë drejt Turqisë duhet të plotësojnë Formularin e Hyrjes të Ministrisë së Shëndetësisë të Turqisë.

Sipas njoftimit të publikuar në facebook nga aeroporti i Tiranës ky formular duhet të plotësohet 72 orë përpara se personat që udhëtojnë drejt këtij shteti të nisen në udhëtim.

Formulari do të funksionojë në format elektronik  dhe do të paraqitet gjatë Chek-in.

Kjo masë e re është vendosur nga Turqia në kuadër të parandalimit të përhapjes së Covid -19, dhe për të gjithë personat që nuk pajisen me këtë formular do të jetë e pamundur hyrja në Turqi, siç kanë bërë me dije edhe autoritetet turke.

Njoftimi i Aeroportit të Rinasit:

Në vëmendje të pasagjerëve që udhëtojnë drejt Turqisë

Sipas njoftimit të autoriteteve turke, pasagjerët që udhëtojnë për në Turqi (përveç atyre që janë tranzit dhe nën moshën 6 vjeç), duhet të plotësojnë Formularin e Hyrjes të Ministrisë së Shëndetësisë të Turqisë në faqen: https://register.health.gov.tr/

Formulari plotësohet 72 orë përpara udhëtimit dhe duhet të paraqitet në format elektronik ose të printuar gjatë Check-in.

Pasagjerët që nuk plotësojnë këtë formular do ti refuzohet hyrja për në Turqi, njoftojnë autoritet Turke. Ju faleminderit për bashkëpunimin, Aeroporti Ndërkombëtar i Tiranës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.