Ministrja për Europën dhe Punët e Jashtme Olta Xhaçka dhe homologu i saj italian Luigi Di Maio kanë bërë të ditur se është arritur marrëveshja mes Shqipërisë dhe Italisë për njohjen e lejeve të drejtimit të automjeteve.

Ajo do të nënshkruhet në Tiranë javën e ardhshme nga strukturat përgjegjëse.

Kjo është vizita e parë për ministren Xhaçka pas emërimit në krye të MEPJ. Të dy ministrat konfirmojnë zyrtarisht përfundimin e procedurave për njohjen reciproke të lejeve të drejtimit të automjeteve.

“Arritëm marrëveshjen për njohjen reciproke të lejeve të drejtimit me qëllim konvertimi. Nënshkrimi i marrëveshjes, javën e ardhshme në Tiranë mes strukturave përgjegjëse. Veprime konkrete si ky, impakti më konkret tek qytetarët.

Ministrja Xhaçka shprehu mirënjohjen qeverisë italiane për solidaritetin dhe kontributin për rindërtimin pas tërmetit. Ajo tha se komuniteti arbëresh në Itali është një urë lidhëse mes popujve tanë duke u shprehur për një nxitje të bashkëpunimit ekonomik dhe shkëmbimeve tregtare mes dy vendeve.

“Shumë shpejt nis punën Komisioni i Përhershëm Ekonomik Shqipëri – Itali. Italia, një avokat i palodhur i integrimit të Shqipërisë në Bashkimin Evropian”, tha ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.