Ekspertët në Greqi paralajmërojnë për një kulmim të valës së koronavirusit gjatë gjysmës së dytë të muajit mars duke theksuar se numri rasteve mund të arrijë dhe në 3 mijë në ditë, siç raporton Tv Tribuna.

Ata shtojnë se sistemi shëndetësor do të mbetet në trysni dhe gjatë ditëve të ardhshme.

Gjithësesi ekspertët shprehen tashmë në favor të një hapjeje të kujdesshme të tregut nga fundi i muajit me kusht që këtë ta lejojnë të dhënat epidemiologjike. Profesori i mikrobiologjisë dhe anëtari i komisionit të ekspertëve Alqiadhis Matopulos e konsideron si prioritet të kalimit në normalitet hapjen e shkollave dhe të tregtisë me pakicë ndërsa mendon se gastronomia do të mund të përhapet rreth muajit prill.

Duke folur të martën për Televizioni Skai Matopulos tha se lockdown i tanishëm do të zgjatet dhe një javë tjetër. Sa i përket kalimit nga një rreth në tjetrin profesori ishte i prerë: Tani për tani nuk mund të lejohet.
Ndërkaq shtoi se kjo mund të bëhet nga pashkët në varësi të të dhënave epidemiologjike.

Profesor Vasilakopulos duke folur për TV Antena nënvizoi se po kalojmë fazën më të keqe. Kësaj here duhet të kthehemi në normalitet me më shumë kujdes shtoi ai. Ndërsa u paraqit optimist se sivjet do të ketë pashkë më të mira nga sa vjet dhe se nga muaji maj Greqia do të jetë një vend tjetër sa i përket situatës së COVID-19.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.