Këngëtarja shqiptare Hersi Matmuja, jeton në Itali prej më shumë se 10 vitesh. Ajo ka mbaruar studimet e larta në Konservatorin “Santa Cecilia” të Romës në vitin 2014 dhe ka një karrierë të suksesshme artistike.

Artistja shqiptare në një lidhje të drejtpërdrejtë nga Italia, tregon për projektin e saj të ri me titull “Ninull”. Një album i tërë me këngët e djepit, mes tyre edhe ninulla që gjyshja i ka kënduar në fëmijëri këngëtares Hersi Matmuja.

Lexo edhe: Hersi Matmuja, udhëtim muzikor nga Italia në trevat shqiptare

“Ky projekt ështe mjaft i rëndësishëm, pasi ka qenë një rilindje e vogël muzikore dhe shpirtërore, sidomos ninulla e nënës time që unë këndoj në shqip, sepse më kujton fëmijërinë time. Ky projekt shoqëron të gjitha nënat që në muaj e shtatzënisë. Kjo CD është një ndër CD-të që do jenë pjesë e një projekti në vendin ku unë jetoj. Do të jetë një projekt me ninulla nga e gjithë bota, sepse sipas studimeve ninullat janë shumë të rëndësishme që kur fëmijët janë në barkun e nënës. Më pas kur fëmija të vij në jetë fëmija do të jetë në gjendje të njoh zërin e nënës teksa këndon”, tregon Hersi Matmuja.

“Djali i mikeshës saj italiane është rritur me ninullën e nënës Hersi, me ninullë shqiptare”, tregon Hersi në një intervistë në “Ftesë në 5” së bashku me bashkëpuntoren e saj italiane, instrumentisten Ilaria Fantin.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.