Këngëtarja shqiptare Hersi Matmuja e ftuar në një sesion live në facebook nga komuna e Napolit në Itali ka interpretuar disa nga këngët më të njohura të muzikës shqiptare. E shoqëruar në violonçel nga muzikanti dhe bashkëshorti i saj Jacopo Conoci ajo solli për publikun disa nga këngët e vendlindjes së saj Kukësit, këngë të Shqipërisë së mesme dhe arbëreshe. 

“Këngët që zgjodha të këndoj në këtë mini koncert nga shtëpia si mund ta quajmë janë shqiptare. Njëra prej tyre që më pëlqen më shumë “Kënga e Çobanit” flet për emigrimin dhe rikthimin në atdhe dhe më duket sikur flet posacërisht për mua. Të jesh në këtë profesion do të thotë të shkosh nga njëri qytet në tjetrin për të kënduar dhe nuk e ke atë ndjenjën se kujt vendi i përket. Ti lind në një vend dhe pastaj ikën për të ndjekur ëndrrat e tua dhe kërkon ndoshta të jesh ai që nuk je në vendin tjetër. Në fillim kur erdha në Itali më dukej gjithçka shumë më mirë por më vonë nisja të kërkoja një pikë referimi të asaj kush je dhe çfarë do të bëhesh”, shprehet Hersi.

Videon e plotë mund ta ndiqni këtu: