Mjeku shqiptar Gani Abazi, ekspert i Shëndetit Publik në Universitetin e Harvardit, flet për situatën e pandemisë dhe ecurinë e vaksinimit në Shtetet e Bashkuara të Amerikës.
“Rreth 40 milion njerëz kanë marrë dozën e parë të vaksinës, disa kanë arritur të marrin dozën e dytë dhe unë jam njëri prej tyre. Pritet që deri në muajin korrik të vaksinohen rreth 150 milion individë, vaksinimi është intensifikuar dhe arrihet të vaksinohen rreth 1 milion e 200 mijë njerëz në ditë”, – tregon mjeku shqiptar.
Përsa i përket procesit testimit mjeku Abazi tregon se procesi i kryerjes së tamponëve vazhdon normalisht. “Cdo qytezë ka qendrën e vet të kryerjes së tamponit dhe një zyrë ku përcaktohet orari. Testimi është i hapur në ccdo qytezë. Përgjigja e testit merret brenda 24 orëve.”
Ai tregon se ka marrë të dy dozat e vaksinës dhe në dozën e dytë kishte disa efekte anësorë të lehta “Nuk kam pasur efekte anësore te medha, dozën e dytë kur bëra kisha pak plogështi dhe dhimbje të lehtë në vendin e vaksinës, por asgjë serioze.”
Sipas mjekut Abazi respektimi i masave nga qytetarët ka ulur numrin e të infektuarve: “Në javët e fundit ka rënë dukshëm numri i infektimeve të reja, sepse respektimi i masave është shtuar dhe kjo tregon se numri i të infektuarve është duke rënë.”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
