Shqiptarët kryesojnë bizneset në Rimini që janë me pronarë shtetas të huaj. Sipas të dhënave të 31 dhjetorit 2020 në këtë provincë kompani aktive të huaja përfaqësojnë 12.8 % të numrit të përgjithshëm, ku kryesojnë shqiptarët me plot 657 biznese.

Përsa i përket fushave të bizneseve të huaja pjesën kryesore e zënë ato të ndërtimit, pasuar nga tregtia, qira dhënia, agjenci udhëtimesh dhe shërbime biznesi, transporti, aktivitete të tjera shërbimi, akomodimi dhe ushqimi dhe industria prodhuese. Sipas të dhënave zyrtare përsa i përket natyrës juridike të bizneseve të huaja mbizotërojnë ato individuale, të ndjekura nga shoqëritë aksionare dhe partneritetet.

Në bazë të vendndodhjes, mbi gjysma e tyre janë në Rimini, e klasifikuar si qendër e madhe urbane, por gjithashtu dhe në zona të tjera si Riccone, Coriano etj.

Përsa i përket kombësive, kryesor Shqipëria me 657 kompani, ndjekur nga Bangladeshi me 362, Rumania me 361 biznese dhe Kina me 297 biznese. Gjithmonë sipas të dhënave, theksohet se gjysma e ndërmarrjeve shqiptare dhe rumune i përkasin sektorit të ndërtimeve ndërsa kompanitë bengale dhe marokene i përkasin tregtisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.