Autoritetet në Kosovë kanë bërë të ditur se janë konfirmuar raste me variantin britanik të COVID-19. Ka qenë vtë ministri i Shëndetësisë Armend Zeaj i cii ka thënë se 30 mostra ishin dërguar në një laborator në Berlin të Gjermanisë prej të cilave pozitivë kanë rezultuar tre.

“Ditëve të kaluara Instituti Kombëtar i Shëndetësisë Publike ka dërguar 30 mostra për testim në Berlin të Gjermanisë me qëllim të hulumtimit rreth pranisë së varianteve të reja të koronavirusit në Kosovë, pas shfaqjes së tij në më shumë se 70 vende të tjera të botës. Nga interesimi jonë i përgjithshëm rezultatet e këtyre analizave kanë treguar se tri mostra kanë rezultuar pozitive në variantin britanik B117. Ky variant, siç e dini, është raportuar për herë të parë më 14 dhjetor 2020 dhe ne, si Republikë e Kosovës, menjëherë kemi marrë masat ,duke pezulluar të gjitha fluturimet me këtë shtet”, ka thënë Zemaj.

Vetë Kosova nuk ka ende kapacitete për të identifikuar variantin britanik të koronavirusit, i cili ka shtyrë shumë shtete të marrin masa më rigoroze apo të izolohen tërësisht.

Instituti Kombëtar i Shëndetësisë Publike të Kosovës ka bërë të ditur se gjatë 24 orëve të fundit kanë vdekur pesë persona që ishin infektuar me COVID-19 dhe 342 raste të reja pozitive.

Rastet e para me koronavirus në Kosovë u regjistruan nga 13 marsi i vitit të shkuar, dhe sot gjithsej janë 59.646 raste pozitive prej të cilave kanë humbur jetën 1487 persona. Aktualisht janë aktive 6,211 raste pozitive.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.