Në bazë të masave të mara nga të dy shtetet, Gjermania dhe Austria tashmë kompanitë ajrore kërkojnë mbajtjen e maskave FFP2 gjatë fluturimit, ndërkohë që maskat e zakonshme nuk do të lejohen më.

Në një përditësim të fundit në faqen e saj Ambasada amerikane në Shqipëri bën të ditur se fluturimet e Austrian Airlines duke nisur nga 25 janari do ta kenë të detyrueshme maskën FFP2. “Maskat e zakonshme (pëlhurave) dhe maskat kirurgjikale nuk do të lejohen më. Pasagjerët midis moshës 6 dhe 14 vjeç dhe gratë shtatzëna mund të udhëtojnë me mbrojtje normale nga hunda”, thuhet në njoftimin e ambasadës.

Ndërkaq, duke nisur nga 1 shkurti edhe Lufthansa do të kërkojë një maskë mbrojtëse kirurgjikale apo FFP2, të detyrueshme në të gjitha fluturimet nga dhe për në Gjermani. Maskat e zakonshme prej cope nuk do të lejohen më.

Lexo edhe- Fluturimet për në SHBA/ Nga 26 janari duhet test negativ COVID-19

Kujtojmë se duke filluar nga dita e sotme edhe SHBA kërkon testin negativ të COVID-19 para mbërritjes në SHBA. “Pasagjerët gjithashtu duhet të dëshmojnë, sipas ligjit, që kanë marrë një rezultat negativ të provës që është shëruar nga COVID-19 dhe lejen mjekësore për të udhëtuar”, thuhet ndër të tjera.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.