Shtetet e Bashkuara të Amerikës kanë vendosur që prej 26 janarit të kërkojnë testin negativ për COVID-19.

“Duke filluar nga 26 janari, nëse udhëtoni me avion nga një vend tjetër drejt Shteteve të Bashkuara të Amerikës, ju duhet të paraqisni një rezultat negativ testi COVID-19 ose prova që e keni kaluar COVID-19 përpara se të udhëtoni”, bën të ditur ambasada amerikane në Tiranë.

Sipas të dhënave të sistemit amerikan ku urdhër vlen për të gjithë pasagjerët dy vjeç e lart që udhëtojnë në SHBA përfshi dhe qytetarë të SHBA-së që hyjnë në vendin e tyre.

CDC amerikane kërkon që udhëtarët që mbërrijnë në SHBA me fluturime të kenë një letër apo një kopje elektronike të rezultatit të testit të tyre dhe do të jenë linjat ajrore që do i verifikojnë para se pasagjeri të hipë në avion dhe më pas rishikohen nga zyrtarët e shëndetit publik pasi mbërrijnë në SHBA.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.