Duke nisur nga e hëna, 26 janar të gjithë udhëtarët drejt SHBA-së do të duhet të kenë rezultat negativ të testit COVID-19. Presidenti i ri në detyrë Joe Biden e ka firmosur tashmë këtë urdhër.
Ndërkohë edhe Aeroporti “Nënë Tereza” në Tiranë njofton se duke filluar që nga 26 janari, të gjithë pasagjerët që udhëtojnë drejt Shteteve të Bashkuara të Amerikës, duhet të paraqesin një rezultat negativ testi COVID-19 ose prova që e kanë kaluar COVID-19 përpara se të udhëtojnë.
“Në vëmendje të pasagjerëve që udhëtojnë në SHBA
Duke filluar nga 26 janari, të gjithë pasagjerët që udhëtojnë drejt Shteteve të Bashkuara të Amerikës, duhet të paraqesin një rezultat negativ testi COVID-19 ose prova që e keni kaluar COVID-19 përpara se të udhëtoni”, thuhet në postimin e TIA-s.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
