“Tërheqja në Shqipëri e sipërmarrësve dhe investitorëve të pranishëm në Itali dhe nxitja e eksponentëve të Diasporës shqiptare në vendin tonë të jenë ‘agjentë të zhvillimit” të aftë për të mbështetur punësimin në komunitetet e vendit të Ballkanit”, shkruan agjencia kombëtare e lajmeve në Itali “Dire”, në një artikull dedikuar këtij modeli të njohur ndërkombëtar i cili për herë të parë po aplikohet në Shqipëri.
Ky është misioni i “Connect Albania”, një iniciativë e nisur si pjesë e një programi “Përfshirja e Diasporës Shqiptare në zhvillimin social dhe ekonomik të Shqipërisë” të promovuar nga Organizata Ndërkombëtare për Migracionin (IOM) në vend me bashkëfinancimin e Ministrisë Italiane të Punëve të Jashtme dhe bashkëpunimit ndërkombëtar në partneritet me qeverinë e Tiranës.
Qëllimi i është tërheqja e investimeve për të nxitur zhvillimin dhe rritjen e ekonomisë shqiptare, e cila vitet e fundit ka ka pasur interes të investitorëve në shumë sektorë ekonomikë, si energjia, minierat, naftë, turizmi, prodhimi dhe bujqësia.
Në njoftimin për shtyp, specifikohet veçanërisht se “Connect Albania” nxit anëtarët e diasporës shqiptare që të angazhohen si agjentë zhvillimi për të tërhequr dhe shoqëruar investime dhe për të mbështetur punësimin në komunitetet vendase. Agjentët do të veprojnë si ndërmjetës dhe do të përfshijë sipërmarrë italianë dhe shqiptarë që banojnë në Itali në aktivitetet sipërmarrëse në Shqipëri.
“Connect Albania” zbatohet për herë të parë në Shqipëri dhe testi i parë do të jetë me Italinë, duke pasur parasysh praninë e konsiderueshme të popullsisë shqiptare që banon në Itali, dhe që aktualisht numëron 500 mijë shqiptarë.
Lexo edhe- Fillon “Connect Albania”, projekti që do të angazhojë investitorët në vendlindje
“Ne jemi shumë krenarë që kemi nisur këtë iniciativë për të cilën jemi të sigurtë se do të sjellë përfitime të mëdha për Shqipërinë dhe zhvillimin e mëtejshëm të marrëdhënieve me Italinë”, tha Nino Merola, përfaqësues në Ballkanin Perëndimor të Agjencisë Italianë të Bashkëpunimit për Zhvillim (AICS).
“Ka pasur gjithmonë një lidhje të fortë midis Shqipërisë dhe Italisë. Marrëdhëniet e shkëlqyera midis dy vendeve mbështeten në baza të thella historike, gjeografike, kulturore dhe ekonomike. Aktualisht më shumë se 500 mijë shqiptarë banojnë në Itali, ku ata kanë kontribuar me punën e tyre për të zhvilluar biznese dhe aktivitete që i kanë sjellë vlerë të madhe vendit. Me iniciativën “Connect Albania” ne shpresojmë që këta profesionistë të suksesshëm duke përdorur një mjet të lehtë si platforma e krijuar online, do të jenë gjithashtu në gjendje të nisin të investojnë në vendin e tyre të origjinës”, u shpreh Alma Jani, shefe e zyrës së IOM në Shqipëri.
“Connect Albania” bazohet në një mekanizëm stimulues ekonomik për agjentët e zhvillimit që do tu japë mundësinë të shpërblehen me bonusin prej 1 mijë euro për çdo të punonjës të punësuar si pjesë e investimit që ata mbështesin në Shqipëri, nëse përcaktohet si i suksesshëm sipas kritereve të vendosura. Shpërblime nga minimumi 5 mijë deri në maksimumi 30 mijë euro do të jepen për secilin agjent zhvillimi.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
