Çifti i njohur shqiptar i artistëve, Raif Hyseni dhe Merita Halili kanë rrëfyer për Zërin e Amerikës se si ka qenë për ta 2020-ta dhe albumi i ri me të cili urojnë të gjithë shqiptarët.
Merita Halili tregon se si ishte ky vit për artistët që gjithmonë kanë qenë afër publikut. “Të gjithë patën frikën se çfarë po ndodh. Artistët gjithnjë gjejnë një moment për të shprehur ndjenjat e tyre nëpërmjet muzikës, ose shkrimeve. Por stres për artistin ka qenë se artisti do spektatorin ta ketë përballë, sepse vetëm kjo e ushqen shpirtërisht”, rrëfen ajo.
Raif Hyseni mundohet të përqëndrohet në anët pozitive të kësaj periudhe.
“Duhet të shohim edhe anën pozitive sepse kemi patur mundësi që të shpenzojmë kohë së bashku unë me Meritën bashkë me vajzat tona. Kurrë më parë nuk kishim shpenzuar kaq kohë bashkë, si gjithë njerëzit e tjerë. Dhe pamë që ne e duam njëri tjetrin edhe më tepër sepse koha për të shkuar në punë, për studime dhe olbigime tjera të bën të harrosh se kush je”, shpjegon artisti.
Lexo edhe- Raif Hyseni: Muzika, folklori dhe tradita shqiptare janë oksigjeni im
Përveç mungesës së publikut, çiftit i mungon edhe vendlindja. Nga marsi i këtij viti ata nuk kanë patur mundësi të shkojnë në Shqipëri ose në Kosovë.
“Ne gjithmonë jetojmë me shpresën, jetojmë me kujtimet më të bukura prej vendeve nga vijmë. Sa herë që shkojmë në Kosovë dhe Shqipëri jemi sikur ato bateritë që mbushen, domethënë mbushen plot energji sepse ne prej atyre vendeve kemi ardhur, ato janë vendet tona”, thotë Raif Hyseni.
“Do kisha shumë dëshirë që kjo periudhë të kalonte sa më shpejt dhe të vijë 2021-shi me shumë gjallëri dhe të fillojë jeta nga e para ashtu siç njerëzit dëshirojnë të punojnë dhe të kontribuojnë për shoqërinë tonë”, shton Merita Halili.
Në pamundësi që të shkojnë në vendlindje, emrat e njohur të muzikës urojnë të gjithë shqiptarët për vitin e ri përmes këngës. Ai thotë se është një dhuratë për të gjithë dashamirët, pas një viti plot sfida të shkaktuara nga COVID-19.
Lexo edhe – Merita Halili dhe Raif Hyseni: Në SHBA ruajnë më fanatizëm traditën
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
