Në Shtetet e Bashkuara prej disa ditësh tashmë ka nisur programi i vaksinimit anti-COVID, ku pas Pfizer u miratua dhe vaksina e Moderna. Bluzat e bardha janë ndër grupet e para që do të bëjnë vaksinën duke qenë në vijën e parë të frontit ndaj kësaj “lufte”.

Mjekët shqiptarë që jetojnë e punojnë në SHBA ka dhënë shembullin e vaksinimit, të asaj që e quajnë “Drita në fund të tunelit” të kësaj beteje me COVID-19.

Dr.Lorena Bardhi, Dr.Arjet Gega, Dr.Blerim Arifi, Dr.Dafina Pruthi , Dr.Irida Molla, Dr.Ermal Molla, Dr.Nik Gjurashaj,Dr. Olta Ilia, Dr. Sonila Pasha Ziu, Dr. Pluen Ziu janë ndër bluzat e bardha në SHBA të cilët tashmë e kanë bërë dozën e parë të vaksinës.

Punonjësit e shërbimeve shëndetësore si dhe punonjësit në qendra për të moshuarit do të jenë të parët që vaksinohen.

Qeveria amerikane planifikon të shpërndajë brenda javës 5.9 milionë vaksina Moderna dhe 2 milion vaksina Pfizer.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group