Ukraina ka përditësuar listën e vendeve që quhen zonë e kuqe apo jeshile nga 11 dhjetori.
Në zonën e kuqe tashmë janë përfshirë Azerbajxhani dhe Holanda, sipas Agjencisë Shtetërore për Zhvillimin e Turizmit,.
Destinacione të njohura turistike si Shqipëria, Egjipti dhe Turqia mbeten në zonën e gjelbër, ashtu si dhe javën e shkuar, ndërsa Bullgaria, Kroacia dhe Mali i Zi mbeten ende në zonën e kuqe.
Gjithashtu në vendet e “gjelbërta” janë destinacione të tjera turistike si Republika Domenikane, Emiratet e Bashkuara Arabe, Meksika, Maldivet etj.
Ndërkaq në zonën e Kuqe janë 38 vende duke përfshirë Austrinë, Bullgarinë, Gjeorgjinë, Lituaninë, Portugalinë, Serbinë, Slloveninë, Shtetet e Bashkuara, Hungarinë, Qipron, Kroacinë , Republika Çeke, Mali i Zi, Zvicra, Suedia dhe të tjera.
Pas kthimit nga këto zona ukrainasit do të duhet të vetëizolohen për 14 ditë duke përdorur aplikacionin DiiVdoma dhe përfundimi i vetëizolimit bëhet pasi të rezultojë negativ testi i PCR.
Për të hyrë në Ukrainë, të gjithë të huajt kanë nevojë për një policë sigurimi që mbulon kostot e trajtimit COVID-19. Personat që vijnë nga vendet e zonës së kuqe nuk janë subjekt i vëzhgimit nëse kanë një rezultat negativ të testit PCR për COVID-19 të bërë jo më shumë se 48 orë para se të kalojnë kufirin e Ukrainës.
