Naim Flamuri ka lindur në Sydney të Australisë më 1969. Ai së bashku me vëllain e tij binjak Sami Flamuri, kanë shkruar dy libra në gjuhën Shqipe, “E përjetshme është Shqipëria” dhe “Koha Shegës”.
Sot punon edhe si analist për “The International Crisis Group” (ICG) gjithashtu ka 25 vjet si përkthyes i gjuhës Shqipe në Australi.
Ai është i martuar me Sarandën dhe ka dy djem Gabrielin dhe Mikaelin. Në moshën 4-vjeçare prindërit u rikthyen në Ulqin, për tú larguar sërish disa vite më vonë, por ky rikthim i lidhi të dy vëllezërit edhe më shumë me vendlindjen, gjuhën, traditat e zakonet. Tani prej më shumë se 32 vitesh jetesë në Australi Naim Flamuri e thotë me krenari se është shqiptar. Vëllai binjak Sami Flamuri merret me studime të mirëfillta të historisë Shqiptare.
Në një lidhje në emisionin e mëngjesit në Radio Travel, ai tregon se në Australi tani po fillon vera dhe rastet me Covid pothuajse nuk ekzistojnë më.
“Këtu tek ne po fillon vera. Nëse për ju po nis dimri, ne mezi presim të ngrohtin pas shumë muajsh me temperatura nën 0 gradë. Kaluam një izolim të gjatë dhe tani në Melburn në 6 milion banorë ka vetëm 1 ose 2 raste. Sapo nisi një valë e dytë pak javë më parë me 200 raste, shteti menjëherë u mobilizua dhe gjendja u stabilizua. Australia arriti të pagoi çdo kosto për banorët e izoluar dhe bizneset e mbyllur.”
Ai tregon se në Australi ka shumë shqiptarë dhe të gjithë janë integrauar shumë mirë.
“Shqiptarët janë popull shtegtarë, jemi gjithkund në botë dhe ne si Diasporë e kemi formuar Shqipërinë, sepse Ismail Qemali erdhi pikërisht nga Diaspora. Diaspora e fuqishme e bën shtetin e fuqishëm. Shqiptari i parë i regjistruar, i vendosur në Australi ishte Naum Konxha, i cili arriti në Brisbane në vitin 1885 me gruan e tij angleze dhe vendosi të qëndrojë përgjithmonë. Shqiptarët në Australi, të njohur edhe si shqiptaro-australianë , përbëjnë një komunitet prej 13,142 banorësh, sipas regjistrit australian të vitit 2011.”
Ai tregon se nëse shqiptarët e ardhur e ndjejnë më shumë mallin se ata të lindur në një shtet tjetër.
“Dua të flas nga vetja ime, unë jam lindur në Sidney dhe u ktheva në Ulqin kur isha 4 vjeç, shkollën fillore e bëra atje. Mendoj se një shqiptarë që rritet në vendin e vet, ai do të jetë shqiptari më i mallëngjyer dhe do ta dojë dhe ta ndihmojë Shqipërinë dhe të kthehet sa herë. Ndërsa fëmijët që rritën në Australi, përveç origjinës nuk kanë një lidhje tjetër, sepse nuk kanë jetuar në Shqipëri, me gjuhën, zakonet etj.. Unë shpesh herë them jam krenar që jam shqiptarë, dhe i përmend miqve të mi shumë emra të suksesshëm, Dua Lipa, Bebe Rexha, Rita Ora, Ava Max etj.. Diaspora ka kapacitete ekonomike për të investuar, por ka dhe nevojë për përkrahje. Dy librat që kemi shkruar me Samiun, “E përjetshme është Shqipëria”, “Koha e Shegës”, kanë dalë në gjuhën shqipe dhe jo në gjuhën angleze.”
