Këngëtarja Dua Lipa, pas monitorimit të situatës së Covid-19 ka marrë vendimin për të shtyrë turneun e saj në Evropë. Turneu ishte planifikuar në dy muajt e parë të vitit 2021, por duke parë situatë dhe rastet e shtuara në Evropë ka njoftuar se turneu është shtyrë.
Këngëtarja shqiptare është shprehur me zemër të thyer teksa ka ndarë këtë lajm me fansat e saj në Instagram. Turneu është shtyrë për muajin shtator dhe tetor të vitit 2021.
“Me një zemër të rënduar do të shtyj turneun tim të ardhshëm evropian për në shtator dhe tetor 2021. Kemi monitoruar vazhdimisht këtë situatë të paparë dhe është bërë e qartë se nuk është e mundur të vazhdohet me turneun në janar dhe shkurt”, ka shkruar Dua.
Gjithashtu Dua ka njoftuar fansat që t”i ruajnë biletat sepse ato do të jenë të vlefshme për datat e planifikuara.
“Më mungon të jem në turne, më së shumti gjatë kësaj kohe dhe mezi pres të ribashkohem me të gjithë dhe të festojmë! Ndërkohë ju premtoj se do të shfaqen disa gjëra zbavitëse që shpresoj se do t’ju mbajnë gjatë gjithë kohës. Qëndroni të sigurt dhe kujdesuni për veten tuaj”, shkruan Dua.
