Konsullata e Përgjithshme e Republikës së Shqipërisë në Selanik nëpërmjet një statusi në “Facebook” ka bërë me dije se janë afruar datat e takimeve për të tërhequr dokumentet e identifikimit. Sipas Ambasadës ky përshpejtim afati ka ndodhur për shkak se stafi i konsullatës po punon me orë të zgjatura.

Konsullata ka publikuar datat dhe bën me dije se pasaporta aktuale, Karta ID dhe pagesa e bankës janë të domosdoshme kur të paraqiteni në Konsullatë për të tërhequr kartat e reja.

Njoftimi:

Prej datës 3 gusht 2020 Konsullata e Përgjithshme e RSH-së në Selanik po ofron shërbime deri në orën 20.00 të mbrëmjes. Në këtë kontekst për t’ju ardhur në ndihmë qytetarëve që kanë aplikuar ju njoftojmë për afrimin e datave të takimeve si më poshtë:

✔ Takimet e datës 17 shtator do të bëhen në datën 3 shtator 2020

✔ Takimet e datës 18 shtator do të bëhen në datën 4 shtator 2020

✔ Takimet e datës 21 shtator do të bëhen në datën 7 shtator 2020

✔ Takimet e datës 22 shtator do të bëhen në datën 8 shtator 2020

✔ Takimet e datës 23 shtator do të bëhen në datën 9 shtator 2020

✔ Takimet e datës 24 shtator do të bëhen në datën 10 shtator 2020

✔ Takimet e datës 25 shtator do të bëhen në datën 11 shtator 2020

✔ Takimet e datës 28 shtator do të bëhen në datën 14 shtator 2020

✔ Takimet e datës 29 shtator do të bëhen në datën 15 shtator 2020

✔ Takimet e datës 30 shtator do të bëhen në datën 16 shtator 2020

KUJDES:

✔ Ora e takimit mbetet e njejtë, pavarsisht afrimit të datës së takimit

✔ Pasaporta aktuale, Karta ID dhe Pagesa e Bankës janë të domosdoshme kur të paraqiteni në Konsullatë.

Ndërsa ambasada e Athinës bën me dije se për të tërhequr nëpërmjet postës shtetasit që jetojnë në Athinë duhet të plotësojnë disa kritere.

Njoftimi:

NJOFTIM PËR TËRHEQJEN E PASAPORTËS NËPËRMJET POSTËS:

Për shtetasit që jetojnë jashtë Athinës, si dhe rastet përjashtimore (shtetas me nevoja të veçanta), që kanë nevojë për tërheqjen vetëm të pasaportës ( jo të kartës ID) nëpërmjet shërbimit postar, lutemi na dërgoni në adresën e emailit: [email protected], të dhënat e mëposhtme:

1. NË SUBJEKT (SUBJECT) TË SHËNOHET: TËRHEQJE PASAPORTE ME POSTË
   2. EMËR MBIEMËR
   3. ADRESËN E SAKTË TË BANIMIT
   4. KODIN POSTAR
   5. NUMRIN E CELULARIT
   6. FOTO TË KUPONIT TË APLIKIMIT

Lidhur me tërheqjen e kartës së identitetit ju informojmë se është e detyrueshme paraqitja e aplikantit në Ambasadë.