Duke filluar nga 4 nëntori shfaqet në kinema filmi “Falling” me aktorin Viggo Mortensen.  pjesë e të cilit me një rol të rëndësishëm është edhe aktori i vogël shqiptaro-kanadez Etienne Këlliçi.

Etienne lindi në Toronto, Ontario, Kanada. Në moshën 6 vjeçare, ai filloi aktrimin dhe dashuria e tij për aktrimin u forcua. Ai është i njohur për pjesëmarrjen në filmin “Ready or Not”, (roli i Danielit të Ri), “October Faction”, (roli i Young Fred në episodin e parë) një serial televiziv amerikan, dramatik.

Si dhe pjesëmarrja më e fundit në filmin “Falling” shkruar dhe drejtuar nga Viggo Mortensen, ku do të ketë rolin e Young John.

Duke parë moshën e tij mjaft të vogël dhe filmat që ai ka luajtur mund të parashikohet e ardhme e djalit shqiptar në kinema.

Filmi më i rëndësishëm që ai ka luajtur padyshim është “Ready or Not”, një film që ka kushtuar plot 6 milion dollar për t’u realizuar dhe në vitin e tij të parë arriti që të grumbullojë 57.6 milion dollar.