Mediat italiane kanë raportuar për një aksident të frikshëm që ka ndodhur në rrugën A12 ku një kamion është përplasur me gjashtë makina.
Kamioni fillimisht është përplasur me makinën e një familje shqiptare të cilët bëhet me dije që fatmirësisht janë në gjendje të mirë shëndetësore, por shpëtimi i tyre po cilësohet si mrekulli.
Ngjarja ndodhi ditën djeshme rreth orës 11, dhe sipas raportimeve fillestare 5 persona mbetën të lënduar, mes tyre edhe shqiptarë.
Nëna shqiptare dhe foshnja janë transportuar në spital, ku vajza është jashtë rrezikut për jetën. Mësohet se drejtuesi i kamionit ka humbur kontrollin e mjetit dhe për pasojë ka shkaktuar aksientin e rëndë.
3 nga të lënduarit janë shqiptarë, dhe ekipet e shpëtimit bënë të mundur nxjerrjen e nënës dhe vajzës 2-vjeçare nga makina. Gjendja e saj është e qëndrueshme ndërsa dy prindërit janë në gjendje më të rëndë në spital.
Identiteti i të aksidentuarve nuk bëhet i ditur.