Qeveria greke ka vendosur që prej ditës së nesërme, datë 5 gusht, duke filluar nga ora 23:00 dhe deri në orën 7 të mëngjesit, çdo ditë dogana e Kakavijës do të mbyllet për të gjithë kalimtarët.
Ministri i Mbrojtjes Sociale dhe Trajtimit të Krizave, Nikos Chardalias sapo ka dhënë një paketë të re masash, ku përfshihen edhe udhëtarët nga Shqipëria.
Kufiri tokësor me Kakavijën mbyllet gjatë natës me qëllim të ketë kontrolle të caktuara gjatë ditës.
Nga dita e dielë, 16 gusht udhëtarët nga Shqipëria në Greqi përmes pikës së Kakavijës do të vendosen në karantine të detyruar 7 ditore, që do kontrollohet rreptësisht në adresën e deklaruar.
Dhe duke filluar nga ora 00.01 e datës 16 gusht, dhe në vazhdim, kushdo që kthehet nga Shqipëria do të duhet të rrijë në karantinë 7 ditë.
Nga dita e hënë, në doganën e Kakavijës do të vendosen ekipe të ushtrisë dhe të prefekturës të Janinës, të cilat do të kryejnë teste tek kalimtarët në pikën e Kakavijës. Synimi është të ketë sa më shumë teste në pikat e hyrjes.
Njoftimet i bëri Sotiris Ciodras dhe Ministri i Mbrojtjes Civile, Nikos Kardalias.
Vetëm ditën e sotme janë raportuar 121 raste të reja me Covid-19 në Greqi. Shumica prej të cilëve ishin infektime në 4 dasma të ndryshme të organizuara ditët e fundit./TCH/
Shqipëri/ COVID-19 – Statistika (4 Gusht 2020)
Testime totale 43203
Raste pozitive 5750
Raste të shëruara 3054
Raste Aktive 2520
Humbje jete 176 (Qarku Tiranë 89, Shkodër 30, Durrës 22, Fier 9, Elbasan 6, Lezhë 5, Kukës 4, Vlorë 4, Korçë 4, Dibër 2, Berat 1)
Shpërndarja gjeografike e rasteve aktive sipas qarqeve:
Tiranë 1404
Durrës 302
Shkodër 231
Fier 103
Vlorë 94
Lezhë 87
Korçë 82
Kukës 74
Elbasan 54
Berat 33
Dibër 31
Gjirokastër 25
