Koronavirusi ka përfshirë të gjithë botën, Australia ishte një nga shtetet që arriti që të ndalonte përhapjen e Covid-19, sëpaku në një pjesë të vendit.
Situata është ndryshe në kryeqytetin, Viktoria, ndërsa në Melburn mbajtja e maskës është e detyrueshme dhe janë në fuqi kufizimet e lëvizjes.
Në radion SBS shqip ka qenë i ftuar doktori shqiptar që jeton në Melburn, Erik LLoga.
Si ka ndikuar Covid-19 në jetën tuaj dhe si jeni duke i kaluar këto ditë të pandemisë?
Lloga: Ne jemi momentalisht të izoluar në një qytet të vogël që është në perëndim të Melburnit. Ne kemi një fermë të vogël këtu dhe jemi ne izolim dhe nëse kthehemi në Melburn nuk mund të rikthehemi sërish në fermë, kështu që ka dy javë që jemi këtu dhe nuk ka qenë e lehtë pasi na mungojnë të afërmit.
Në krahasim me Melburn sëpaku këtu kemi liri pasi mund të dalim sepse nuk ka pasur shumë raste.
Po e kalojmë kohën duke u marrë me punën e fermës dhe kam lexuar ata libra që nuk i kam lexuar.
Gjithashtu kam filluar që të merrem edhe me gatim.
Erik kjo mbyllje ka ndikuar pozitivisht në familjen tuaj, ndoshta kjo ka shërbyer që të përforconi më shumë lidhjet me familjen…
Erik: Fëmijët tanë i kemi në Melburn, mirëpo jemi lidhur nëpërmjet telefonit. Fermerët që kemi rreth e rrotull vijnë dhe na vizitojnë dhe na sjellin gjëra të ndryshime, si lule apo gazeta.
Momentalisht edhe pse këtu ku jemi kemi liri, ne nuk po abuzojmë më të pasi mbajmë maskë rregullisht, respektojmë distancën ashtu siç sygjerojnë autoritetet mjekësore.
Njerëzit duhet të kuptojnë që maskat nuk janë për të mbrojtur veten, por kryesisht për të mbrojtur të tjerët.
Erik kemi edhe disa teori që virusi nuk ekziston dhe që është një lojë?
Këto janë gjëra të pabaza pasi të gjithë qeveritë po marrin masa, asnjë qeveri nuk e mbyll ekonominë e saj pa asnjë arsye. Njerëzit që i kanë këto teori nuk kanë asnjë fakt për ta përkrahur atë çka thonë. Këta janë njerëz të papërgjegjshëm, pa ndërgjegje.
