Genta Karpuzi është oficere kosovare e cila është pjesë e armatës britanike, ajo ka qenë e ftuar në RTV Dukagjini ku ka treguar historinë e saj.
Ajo ka folur për rrugëtimin e saj deri tek akademia e trajnimit të ushtrisë britanike. Si ka vendosur që të zgjedhë një profesion të tillë, deri tek ditët e sotme.
Genta ka qenë sportiste më herët ku ka përfaqësuar në karate kombëtaren e Kosovës dhe të Shqipërisë.
Genta: Normalisht si shumë profesione të tjera secili profesion nëse dëshiron që të arrish aty ku ti ke qëllim duhet pak mund dhe kujdes i veçantë.
Unë që prej fëmijërisë kam qenë sportiste ku jam marrë me karate dhe kam qenë pjesë e kombëtares së karatesë së Kosovës dhe kombëtares karatesë së Shqipërisë.
Në vitin 2011 kam konkurruar për pjesëtarë të Forcat Speciale të Kosovës, ku edhe jam pranuar. Në vitin 2012 ka ardhur një ekip nga Anglia për të trajnuar instruktorë fitnesi fizik në FSK ku pjesë e atij tranimi isha edhe unë.
Gjatë trajnimit kam treguar performacë të mirë duke qenë se isha sportiste, ku kam kaluar të gjitha testet me 100% dhe isha studentja më e mirë.
Në vitin 2016 janë kthyer sërish në Kosovë për trajnim tjetër dhe aty ynë isha kordinatore.
Pas vlerësimeve që mora më është dhënë drita e gjelbër nga ushtria e Britanisë që ata dëshironin që të më merrnin në një trajnim të avancuar të fitnesit fizik.
Si e pritët lajmin e interesimit të tyre për të jua marrë në Britani?
Ishte befasuese duke qenë se është një ushtri e madhe dhe kërkon shumë punë për tu bashkuar me ta. Niveli dhe përgatitja e tyre fizike dallojnë nga ato që ne jemi mësuar këtu. Aq sa isha e gëzuar isha edhe e frikësuar duke qenë se duhesh punë.
A ishte hera e parë që shkoje në Angli?
Sa i përket trajnimeve ishte hera e parë, ndërsa personalisht e kisha vizituar.
Mu dha drita e gjelbër, por normalisht më duhej që të përgatitesha përpara se të shkoja. Në janar të vitit 2017 kam udhëtuar për trajnim i cili do të zgjaste 9 muaj dhe nga ai trajnim merrje gradën instruktor menaxher ku kishe të drejtë të trajnoje instruktor të tjerë të fitnesit fizik.
Ditët e para në Angli.
Në qytetin ku unë shkova në Angli është qytet komplet ushtarak edhe ka shumë pak civil dhe shumica e qytetit është me kazerma dhe personel ushtarak, nuk është se e njihja dikë dhe nuk është se dikush mund të vinte të më merrte.
Zakonisht shkolla fillonte në orën shtatë, por ne shkonim pak më herët për të diskutuar dhe ktheheshim pas orës 5.
Pastaj ishe shumë e lodhur, kishe detyrat dhe vetëm fundjavat i shfrytëzonim për tu takuar.
Për më tepër mund të ndiqni emisionin
