Boksieri Shqiptar Florian Marku nëpërmjet një statusi në “Facebook” ka shpërthyer ndaj Konor Ben i cili është edhe djali i ish-kampionit të botës, Nigel Ben.

Ai në një intervistë sipas Markut është shprehur se nuk e njeh boksierin shqiptar.

Ky i fundit i bën thirrje Edi Hernit që të organizojë një ndeshje boksi mes tij dhe Ben, ose siç njihet ndryshe, “Shkatërruesi”.

Boksieri shqiptar ka nisur të stërvitet normalisht, duke qenë se periudha e pandemisë ndikoi në të gjitha fushat.

Statusi i plotë i Markut në Facebook:

E respektoj babanë tënd, por jo TY .Në intervistë kur të pyetën për Florian Markun, the që askush nuk më njeh? Unë jam ai që mbush një stadium me njerëz, aq sa ti si ke mbushur në gjithë karrierën tate. Ti s’je burrë. Po deshe me u bo burrë, bashkë do takohemi në ring bashkë me mijëra fansat e mi shqiptarë. Unë luftoj dhe ndeshem për fansat dhe njerëzit e mi, pastaj për lek . Edi Hern merr skuadrën time dhe caktoje një ndeshje. Do luftoj me këtë frikacak kurdo që ai të dojë dhe kudo që të dojë.

Deri më tani nuk ka pasur ende përgjigje nga Konor Ben nëse do të pranojë apo refuzojë të ndeshjet me kampionin shqiptar.