Ambasada e Austrisë në Tiranë ka bërë me dije se nga data 16 korrik 2020 deri më 31 korrik 2020 do të pezullohen fluturimet ajrore.
Ky vendim ka ardhur për shkak të shtimit të rasteve me Koronavirus në Shqipëri. Numri i vendeve që Austria ka ndaluar fluturimet me ta janë 18, ku dhjetë janë shtuar vetëm në vendimin e fundit.
Ata kanë bërë thirrje për të gjithë shtetasit që kanë leje qëndrimi të marrin masa tё menjëhershme pёr tё shmangur bllokimin e tyre.
Austria ka regjistruar deri më tani ka 19021 raste pozitive, ku 17073 janë shëruar, 1239 raste janë aktive dhe 709 persona kanë ndërruar jetë.
Njoftimi i plotë:
Njoftim!
Njoftojmë se, Austria do tё pezullojё fluturimet nga Shqipëria nga data 16 korrik deri nё datёn 31 korrik 2020!
Ministri i Shëndetësisë, z. Rudolf Anschober, ka firmosur rregulla të reja, sipas së cilave lista e ndalimit tё fluturimeve drejt Austrisё zgjerohet me 10 vende tё reja, duke e çuar nё total numrin e ndalimeve nё 18. Nё listёn e ndalimit tё fluturimeve do tё përfshihen vendet e Ballkanit Perëndimor, Rumania, Bullgaria dhe Moldavia.
Bëjmë thirrje tё gjithë shtetasve shqiptarë me leje qëndrimi nё Austri dhe tё gjithё tё interesuarve tё marrin masa tё menjëhershme pёr tё shmangur bllokimin e tyre!
