Dy studiuesit shqiptarë Daniela Muhaj dhe Ermal Frashëri janë pjesë e ekipit të Growth Lab pranë Harvard Center for International Development.
Ata po kontribuojnë në zhvillimin e një studimi i cili ka për qëllim identifikimin e arsyeve prapa migrimit të profesionistëve shqiptarë dhe për të kuptuar perspektivat e ardhshme për talentin shqiptar në Diasporë pas viteve 2000.
Përpara përfshirjes në këtë projekt, Ermal Frashëri ishte doktorant në drejtësi në Harvard Law School, ndërsa Daniela Muhaj punonte pranë International Monetary Fund (IMF) në Washington D.C.
Ekipi i studiuesve shqiptarë të qendrës “Growth Lab” në Universitetin e Harvardit po punon për të kuptuar më mirë shkaqet dhe pasojat e migracionit të të rinjve pas viteve 2000. Ekziston një perceptim që humbja e njohurive është përkeqësuar në dekadën e kaluar, veçanërisht për profesionet e zgjedhura ose segmentet e aftësive në kërkesë të lartë nga ekonomitë më të përparuara. Ky studim synon të kuptojë madhësinë e problemit, të analizojë faktorët tërheqës dhe shtytës, si dhe të sigurojë inputet përkatëse të politikës.
The Growth Lab #Albania team is conducting a survey to understand the driving forces behind skilled #migration & future prospects for Albanian talent in the #diaspora post 2000's. @ricardo_hausman @efrasheri @daniela_muhaj @MarkKosmo https://t.co/ZN5mFjm7mQ pic.twitter.com/A1Fgo4LfAW
— Harvard's Growth Lab (@HarvardGrwthLab) June 25, 2020
