Komisioni Evropian rekomandon hapjen graduale të kufijve të jashtëm të Bashkimit Evropian duke filluar nga data 1 korrik për shtetasit e huaj, duke marrë parasysh situatën epidemiologjike të vendeve përkatëse.
Komisioni ka propozuar që kufijtë të hapen për ato vende që dëshmojnë se situata e përhapjes së koronavirusit është e menaxhueshme.
Në propozimin e Komisionit Evropian, kufizimet janë kërkuar të hiqen për të gjitha shtetet e Ballkanit Perëndimor: Kosovë, Shqipëri, Maqedoni të Veriut, Mal të Zi, Bosnje-Hercegovinë dhe Serbi. Komisioni e ka arsyetuar këtë kërkesë, me faktin që, “situata epidemiologjike e tyre është e ngjashme apo edhe më e mirë sesa në BE”,- shkruan Scan Tv.
Ndër të tjera është kërkuar që pas 1 korrikut të aplikohen masa lehtësuese për studentët edhe punëtorët sezonalë, si dhe prej datës 15 qershor të hiqen të gjitha kontrollet kufitare mes vendeve të bllokut evropian.