Shqiptarët të cilët kanë qenë të detyruar të qendrojnë në Rumani për shkak të kufizimeve nga pandemia Covid-19, përtej periudhës së lejuar, iu zgjatet qëndrimi i tyre me 90 ditë nga data e përfundimit të gjendjes së jashtëzakonshme (14 maj 2020).
Në një njoftim të Ambasadës Shqiptare në Rumani thuhet se: Ministria e Punëve të Jashtme të Rumanisë njofton se këta shtetas nuk do të penalizohen dhe nuk do t’ju llogaritet periudha shtesë e qëndrimit, nëse largohen nga Rumania përpara datës 14 maj 2020.
Ajo sqaron po ashtu se vlefshmëria e vizave të lëshuara nga Ambasadat e Rumanisë që nuk janë përdorur për shkak të kufizimeve të udhëtimeve, nuk do të zgjatet. Shqiptarët duhet të aplikojnë për një vizë të re.
Por do të zgjatet për një periudhë 90 ditore pas datës 14 maj, vetëm vlefshmëria e dokumentave të lëshuara nga Inspektoriati i Përgjithshëm i Migracionit.
