Duke filluar nga dita e sotme rinisin shërbimet konsullore në përfaqësinë shqiptare në Mynih. Vendimi vjen pas lehtësimit të masave ndaj pandemisë Covid-19 në Bavari, shtetin e dytë më të populluar federal gjerman.
Në njoftimin e publikuar në faqen zyrtare, theksohet se maskat mbrojtëse dhe dorezat duhen vendosur me çdo kusht brenda ambienteve të konsullatës, ndryshe nuk do të lejohet aplikimi.
Sa i takon datave dhe orareve të reja të pritjeve të qytetarëve, Konsullata e Përgjithshme e Shqipërisë në Mynih i fton ata që të kontrollojnë postën elektronike pasi detajet do t’ju komunikohen nëpërmjet e-mailit.
Landi i Bavarisë nga data 27 prill 2020, e ka bërë me detyrim vendosjen e maskave mbrojtëse.
