Ambasada Gjermane në Tiranë nëpërmjet një statusi të publikuar në rrjetin social “Facebook” ka bërë me dije se duke filluar nga data 8 gusht 2020 testet e Koronavirusit do të jenë të detyrueshëm për të gjithë ata të kthyer nga zonat e rrezikut.
Ministri Federal i Shëndetësisë, Jens Spahn u shpreh se detyrimi i qytetarëve për të bërë testin është shkelje e lirisë së individit, por është një shkelje e arsyeshme.
Në një shoqëri është e rëndësishme të kujdeseni për njëri-tjetrin dhe të mbroni njëri-tjetrin, shtoi ai.
Kushdo që ka qenë në një zonë rreziku duhet të karantinohet dy javë ose të ketë bërë testin në 48 orët e fundit, para se të futet në vend.
Statusi i plotë
Kujdes! Sipas njoftimit të fundit nga qeveria federale, duke nisur nga e shtuna, 8 gusht 2020 testet e Corona-Virus do të jenë të detyrueshëm për të gjithë ata të kthyer nga zonat e rrezikut: 👉 https://www.bundesregierung.de/…/coronavirus/pflichtests-ko…
“Çdo infeksion i pazbuluar bën ndryshimin”, u shpreh Ministri i Shëndetësisë Spahn. Këtu gjeni përgjigje ndaj pyetjeve në lidhje me testet e koronës pas hyrjes në Gjermani: 👉 http://bpaq.de/faq-tests-einreisen