Kanali i njohur televiziv francez Canal + do të transmetojë filmin shqiptar “Emri im është Sonila”.
Ka qenë vetë producentja e filmit Suela Bako që ka bërë të ditur lajmin në rrjetet sociale.
“Kam kënaqësinë të ndaj lajmin se kanali i njohur televiziv CANAL +, në Francë, ka blerë të drejtën e transmetimit të filmit tonë të shkurtër me rrugë të gjatë, “EMRI IM ËSHTË SONILA”.
Premiera televizive do të jetë në datën 10 Tetor në programin me titull, TOP OF THE SHORTS.
Urime të gjithëve për këtë copëz Shqipërie që do ndajmë me botën përmes njërës prej “dritareve” televizive më të rëndësishme, në Europë, Canal +. Faleminderit, Erafilm Production, Takami Film Production”, shkruan ajo.
Në 2020 filmi mori pjesë në garën zyrtare të “Festival Film Femmes Méditérrannée”, i zhvilluar mes Marseille dhe Hyères.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
