Instrumentisti Faton Macula dhe këngëtarja e mirënjohur Mira Konçi, jetojnë dhe ushtrojnë artin e tyre në Nju-Jork, ShBA.

Në një intervistë për emisionin “Vizioni i pasdites”, ata tregojnë rreth projektit më të ri artistik dhe si ka nisur bashkëpunimi midis tyre. “U njohëm në një event, ku Fatoni ishte i ftuar si instrumentist dhe unë si këngëtare, dhe bëmë disa bashkëpunime të cilat dolën shumë mirë, aty lindi ideja pse të mos kemi diçka më shumë dhe sot jemi në proces të projektit tonë. Tashmë po programojmë një “buqetë” këngësh të cilat janë njëra më e bukur se tjetra, sepse ne që jetojmë jashtë i përjetojmë edhe më shumë këngët shqipe”, – shprehet Mira Konçi.

Instrumentisti Faton Macula tregon se pse vendosi të bashkëpunojë me këngëtarenshqiptare Mira Konci: “Unë kisha dëgjuar për Mira Konccin, por prej shumë vitesh jetoj në New York dhe nuk kisha pasur bashkëpunime me këngëtarë shqiptaë, por pas takimit në atë event vendosëm që bashkë mund të bëjmë gjëra shumë të bukura. Aty dëgjova zërin e Mirës dhe më pëlqeu shumë. Të gjithë shqiptarët e kanë pritur shumë mirë bashkëpunimin tonë. Kënga “Era” është pritur shumë mirë”, shprehet Fatoni.

Pas rikthimit në koncerte këngëtarja shqiptare tregon ka ndjerë shumë emocione dhe publiku e ka pritur me shumë energji positive: “Në koncerte këtu kanë ndjerë shumë energji të mirë, kam gjetur atë energjinë që publiku me jepte dikur”, shprehet Mira Konci.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.