Agjencia e Sigurimit të Cilësisë se Arsimit Parauniversitar bën të ditur se janë çelur aplikimet për regjistrin e mësuesve të gjuhës shqipe dhe kulturës në Diasporë të cilët do të vijojnë deri më 30 shtator 2021.
Pas urdhrit të Ministrisë së Arsimit dhe Sporteve në thirrjen për aplikim janë përcaktuar dhe kriteret për të qenë pjesë e regjistrit të mësuesve jashtë vendit.
Lexo edhe- Regjistri i mësuesve në Diasporë, shtyhen aplikimet deri në fund të shtatorit
Kriteret që duhet të plotësojnë kandidatët për t’u regjistruar në regjistrin shtetëror të mësuesve:
a)Të jenë diplomuar në fushën e mësuesisë në institucionet e arsimit të lartë.Përparësi kanë mësuesit e diplomuar në degët gjuhë shqipe dhe letërsi, parashkollor, arsim fillor,histori, gjeografi, etnologji, muzikë dhe arte të kulturës shqiptare.
b)Të jenë licencuar si mësues, sipas legjislacionit të Republikës së Shqipërisë, Republikës së Kosovës apo vendeve ku zhvillohet program i mësimit të gjuhës shqipe e të kulturës shqiptare në diasporë.
c)Të jenë pranuar si mësues i mësimit të gjuhës shqipe e të kulturës shqiptare në vendet respektive.
Dokumentacioni që kandidatët duhet të dorëzojnë:
a) Kërkesë për aplikim sipas shtojcës 1 bashkëlidhur
b) Curriculum vitae me fotografi sipas formatit EUROPASS, shoqëruar me dokumentacionin që shoqëron të dhënat në CV.
c) Kopje e një dokumenti identifikimi: pasaportë apo kartë identiteti.
d) Kopje e diplomës, në fushën e mësuesisë, lëshuar nga institucioni i arsimit të lartë,përkthyer në gjuhën shqipe dhe e noterizuar (bachelor dhe master ose e integruar).
e) Kopje e listës së notave, e përkthyer në gjuhën shqipe dhe e noterizuar.
f) Kopje e licencës së mësuesisë e përkthyer në gjuhën shqipe dhe e noterizuar (nëse disponon një të tillë).
g) Kopje të përkthyera në gjuhën shqipe dhe të noterizuara të certifikatave dhe të kualifikimeve si mësues të gjuhës shqipe, të marra në Shqipëri ose në vende të tjera( nëse e disponon një të tillë).
h) Dokument që vërteton që kandidati jep mësim në gjuhën shqipe, i përkthyer në gjuhën shqipe dhe i noterizuar ( të saktësohet nëse është institucion publik apo privat, nëse është punë me kohë të plotë ose të pjesshme), me përjashtim të rasteve kur ky dokument lëshohet nga përfaqësitë diplomatike.
Aplikimi dhe dorëzimi i dokumenteve të cituara më sipër mund të bëhet në një prej formave të mëposhtme:
Nëpërmjet adresës postare: ASCAP, Rruga Naim Frashëri, Nr. 37, Tiranë,
Nëpërmjet adresës elektronike [email protected]
Nëpërmjet formularit të aplikimit online në linkun:
https://forms.gle/vTvymDbYGZQUFUWw9
Regjistri shtetëror i mësuesve të gjuhës shqipe do të përmbajë listën e mësuesve të cilët kanë të drejtë të japin mësim për programin e gjuhës shqipe e të kulturës shqiptare në Diasporë. Gjithashtu aty do të pasqyrohen të dhënat e mësuesve në Diasporë të cilat do të bëhen pas vlerësimit të dokumentacionit të paraqitur nga ana e tyre, në ministrinë përgjegjëse.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
