Qendra e Botimeve për Diasporën ka njoftuar se afati i aplikimeve të mësuesve të gjuhës shqipe për tu bërë pjesë e regjistrit të mësuesve në Diasporë është shtyrë deri në fund të muajit shtator. Sipas urdhrit të lëshuar nga Ministria e Arsimit, Sportit dhe Rinisë, Agjencia e Sigurimit të Cilësisë se Arsimit Parauniversitar gjatë muajit maj të çdo viti kalendarik duhet të shpallë kërkesën për aplikime. Afati i përfundimit të aplikimit do te jetë data 30 shtator i çdo viti.

Sipas ndryshimeve të paraqitura në urdhrin e ri mësuesit e interesuar për tu bërë pjesë e regjistrit duhet të paraqesin në dokumentacion edhe  kopje të certifikatave dhe kualifikimeve si mësues të gjuhës shqipe, të marra në Shqipëri ose vende të tjera (nëse i disponojnë) si dhe një dokument që vërteton se kandidati jep mësimin e gjuhës shqipe i përkthyer dhe i noterizuar ( ku te saktësohet nëse është institucion publik ose privat, nëse është punë me kohë të plotë ose të pjesshme) më përjashtim të rasteve kur ky dokument lëshohet nga përfaqësitë diplomatike.

Lexo edhe: Regjistri shtetëror i mësuesve të gjuhës shqipe, shtyhet afati i regjistrimit

Regjistri shtetëror i mësuesve të gjuhës shqipe do të përmbajë listën e mësuesve të cilët kanë të drejtë të japin mësim për programin e gjuhës shqipe e të kulturës shqiptare në Diasporë. Gjithashtu aty do të pasqyrohen të dhënat e mësuesve në Diasporë të cilat do të bëhen pas vlerësimit të dokumentacionit të paraqitur nga ana e tyre, në ministrinë përgjegjëse.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.