Presidenti i FAA-Federatës së Shoqatave Arbëreshe, Damiano Guagliardi ka publikuar librin e tij të fundit “Un uomo libero” (Një njeri i lirë). Promovimi i librit do të bëhet më 3 korrik 2021 në Kishën e Purifikimit, Mottafollone.
“Jam shumë i lumtur sepse më në fund munda të mbaj premtimin dhe të prezantoj romanin tim të fundit. Ky libër duhet të ishte botuar 14 muaj më parë, por pandemia solli pengesa. Të shtunën në orën 3 korrik do të bëhet promovimi në Kishën e Purifikimit.
Damiano Guagliardi vjen nga një familje e thjeshtë me origjinë arbëreshe. Ai lindi në San Demetrio Corone, Kozencë në vitin 1950.
Lexo edhe: Damiano Guagliardi: Ne arbëreshët e ndienim se ishim “fëmijë” të Shqipërisë
Damiano Guagliardi ka themeluar “Qendrën e Dokumentimit të Kërkimit Shkencor Arbëresh” në San Demetrio Corone në vitin 1978. Është autor i librave: “Gli Arbëreshë di Calabria-Note su origini, sviluppo, stato attuale e problemi-Arbëreshët e Kalabrisë-Shënime mbi origjinën, zhvillimin, statusin aktual dhe problemet”, 1984. Më 1988 botoi librin historik, demografik dhe antropologjik “Mongrassano: viaggio nei secoli di una comunità-Mongrassano” (Udhëtim nëpër shekujt e një komuniteti). Autor i kapitullit për Shqiptarët në studimin “Vechie e nuove minoranze” (Pakicat e vjetra dhe të reja), 1990. Në vitet 2001-2003 ka kuruar veprën në katër vëllime “La Diversità Arbëreshe”, autor i vëllimit I dhe IV, si dhe bashkautor i vëllimit III. Me nismën e arbëreshit Guagliardit dhe nën drejtimin e tij janë realizuar dhjetëra aktivitete kulturore e shkencore mbi Arbëreshët dhe trashëgiminë e tyre kulturore e gjuhësore. Është autor i një vargu artikujsh studimorë, si dhe i 7 romaneve.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
