E gjithë Italia klasifikohet si një zonë e bardhë me rrezik të ulët sa i përket COVID-19 që nga e hëna, shkruajnë mediat vendase.

Për më tepër, detyrimi që njerëzit të mbajnë maska fytyre jashtë është hequr, megjithëse rajoni i Campania-s që i përket Napoli dhe qyteti qendror i Norcia-s po e mbajnë detyrimin për momentin.

Njerëzit ende duhet të mbajnë maska fytyre në hapësira publike të mbyllura, të tilla si në dyqane dhe në transportin publik, dhe në hapësira në ajër të hapur ku mund të ketë turma të njerëzve.

Walter Ricciardi, një këshilltar i ministrisë së shëndetësisë, tha për ANSA se njerëzit duhet të vazhdojnë të jenë të kujdesshëm dhe të marrin masa paraprake të tilla si respektimi i distancës fizike dhe larja e shpeshtë e duarve për shkak të përhapjes së variantit më infektues Delta të koronavirusit.

Ndërkohë Komisioneri i Emergjencave COVID-19, Francesco Figliuolo i tha televizionit RAI të dielën se ai është “i bindur” se Italia do të arrijë imunitetin e tufës deri në fund të shtatorit duke vaksinuar 80% të popullsisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.