Më 22 qershor me rastin e provimeve të para për marrjen e një çertifikate aftësie në Greqi për natyralizim, “Unioni Grek për të Drejtat e Njeriut”, “Këshilli Grek për Refugjatët (APS)”, “Forumi Grek i Emigrantëve”, “Forumi Grek i Refugjatëve” dhe “Generation 2.0 RED”, do mbajnë një tryezë të rrumbullakët online me temë “Historitë e natyralizimit: Një aventurë për pak”.

Kjo tryezë e rrumbullakët organizohet në mënyrë që të interesuarit (emigrantët dhe refugjatët) që kërkojnë shtetësinë greke nëpërmjet sistemit të ri ose atij të vjetrit, gjithashtu dhe ata që janë të përfshirë në proces (mësues, sindikalistë, përfaqësues të institucioneve) të nxjerrin në pah me përvojën e tyre aspektet e ndryshme të çështjes.

Pjesëmarrës në këtë event do të jenë:

Safik Ahmad, Doktor, Aplikant për natyralizim, kërkesë e shqyrtuar me sistemin e vjetër në 2019

Olga Giannoudi, Aplikante për natyralizim, kërkesë e shqyrtuar me sistemin e ri në maj 2021

Vania Nedelcheva, Këshilltare në Strukturën e Emigrantëve EKA

Taxiarchis Sarantopulos, Avokat, ish-anëtar i Komisionit për Natyralizim

Elias – Kiama Tzogonas, Filolog, Mësues për përgatitjen e kandidatëve për provimet e natyralizimit

Eventi do të koordinohet nga Dimitris Christopoulos, Profesor i Shkencave Politike, Universiteti i Shkencave Politike dhe Sociale Panteion dhe ka si qëllim qartësimin e shumë pikëpyetjeve që kanë qytetarët lidhur me këtë proces.

Sipas informacionit të event-it si më sipër, me anë të këtij event-i synohet të theksohen kushtet e rrepta që si pasojë kanë privimin për natyralizim të personave që për dekada jetojnë me familjet e tyre në Greqi, punojnë, tatohen dhe janë integruar plotësisht në shoqërinë greke.

Eventi do të transmetohet drejtpërdrejt nga faqet e ESP në facebook https://www.facebook.com/gcr.gr. të martën, 22 qershor, ora 18:00 – 20:00.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.