Ylber Ramadani është lojtari tjetër i kombëtares shqiptare që transferohet në Hungari. Mesfushori, pasi doli lojtar i lirë nga Vejle BK, mori disa oferta.

Ramadani ka firmosur me MTK Budapest dhe do kërkojë të tregojë vlerat e tij, në një kampionat ku luajnë edhe Myrto Uzuni, Hysen Memolla, Herdi Prenga dhe Jasir Asani.

Mesfushori ka spikatur në katër sezone me Vejle BK, në Danimarkë, skuadër të cilës iu bashkua pas sezonit të parë në Superiore me Partizanin. Më pas ai fitoi edhe një vend në kombëtaren e Shqipërisë.

Mesfushori i përfaqësueses shqiptare vendosi të largohej nga Vejle në kampionatin danez dhe këtë ua bëri të ditur tifozëve të klubit nëpërmjet një postimi në rrjetet sociale. Një lamtumirë që vjen pas katër sezonesh në klubin danez, me dy të tilla në kategorinë e dytë e dy në elitë, ku skuadra arriti të bënte mjaft mirë sidomos në këtë sezon të fundit duke siguruar mbijetesën me lehtësi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.