Shoqata “Assoalbania Piemonte” mbylli vitin shkollor në shkollën e gjuhës shqipe “Udha e Shkronjave” me organizimin e një eventi që mblodhi bashkë shqiptarët që jetojnë në Asti dhe Piemonte, Itali.
Ndërtimi i një skene enkas për këtë festë, dhe e veshur me ngjyrat kuq e zi, mirëpriti të ftuarit, prindër, familjarë e të afërm të femijëve dhe nxënësit.
Aktiviteti u moderua nga Dorontina Shpendi e Gabriela Gropaj, të veshura me kostum popullor.
Një koncert i mirëorganizuar dhe me një program shumë të pasur pas një periudhe të gjatë pa organizime për shkak të pandemisë.
Nxënësit e shkollës recituan, kënduan, luajtën në instrumented he kërcyen valle tradicionale shqiptare nga grupi “Assoalbania Junior”.
Në këtë feste ishte e pranishme edhe Oficerja Koordinuese për Diasporën pranë Konsullatës shqiptare të Milanos, zonja Luljeta Çobanaj. “Natyrisht fëmijët që ndjekin këtë shkollë, që dinë një gjuhë më shumë apo njohin një instrumet, kanë diçka më tepër në jetë, se një nxënës që frekuenton vetëm një shkollë të detyruar”, u shpreh Çobanaj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
